E-læringskurset «BTI – Betre Tverrfagleg Innsats i Bjørnafjorden kommune» er kommunen si opplæring i BTI for alle nytilsette i kommunen som arbeidar med gravide, barn, unge og deira føresette.
Kurset fungerer også som vedlikehaldsopplæring i BTI.
E-læringskurset er tilgjengeleg for tilsette i alle einingar som jobbar etter BTI-modellen og har ein BTI-ansvarleg i si teneste, inkludert private barnehagar og skular. Kurset er dessverre ikkje tilgjengeleg for andre ikkje-kommunale tenester, som for eksempel Politiet.
E-læringskurset er delt inn i 8 bolkar. Tenester som jobbar direkte med gravide, barn, unge og deira føresette gjennomfører alle 8 bolkane, som tar ca. 90 minutt å fullføre. Tenester som har behov for å ha kjennskap til BTI (f. eks. Legevakt, Allmennlegetenesta og Kultureininga) gjennomfører 4 av bolkane, som tar ca. 20 minutt å fullføre. Det er mogleg å ta pausar og alle bolkane må ikkje gjennomførast samtidig!
Sjølve e-læringskurset finn du i KS Læring på www.kslaring.no.
Kommunale tenester kan også finne e-læringskurset via Bjørnafjorden kommune si intranettside Innsio. Du kan klikke på lenka: Innsio. Klikk deretter på «Kurs og opplæring» og deretter på «KS Læring» (anbefalt pga. innlogging).
Tilsette i private barnehagar og skular må etter å ha logga inn på KS Læring via ID-porten med bruk av BankID følge stega under for å få tilgong til sjølve e-læringskurset:
1. Gå inn på «Min startside» og klikk på «Profil».
2. Klikk på «Endre profil».
3. Klikk på «Legg til ny stilling» – vel/søk opp stillingsnamn, f. eks. pedagogisk leiar, fagarbeidar.
4. Klikk på «Velg» og vel organisasjon/teneste – finn Bjørnafjorden kommune og deretter din barnehage/skule.
5. Organisasjonen og din barnehage/skule finn du slik. Klikk på private barnehagar/private skular.
6. Klikk på «Oppdater profilen».
For å finne e-læringskurset i KS Læring følger du stega under:
- Klikk på «Meny».
- Klikk på «KS Læring forside».
- Klikk på «Nettkurs».
Dersom e-læringskurset ikkje dukkar opp, kan du søke etter kurset ved å følge stega under:
- Klikk på «Meny».
- Klikk på «KS Læring forside».
- Skriv inn «BTI» i søkefeltet og klikk på «søkesymbolet».
- Klikk på «Nettkurs».
Deretter kjem du til følgande side:
Dersom det er første gong du er inne på e-læringskurset står det «Gå til påmelding». Klikk på «Gå til påmelding». Dersom du logga inn via Bjørnafjorden kommune kjem du direkte til sjølve e-læringskurset. Dersom du har logga inn med BankID, kjem du til ei påmeldingsside «Påmeldingsmuigheter for dette kurset» (sjå bilde med informasjon under).
Dersom du har vore inne på e-læringskurset tidlegare står det «Gå til kurset». Klikk på «Gå til kurset», og du kjem direkte til sjølve e-læringskurset.
For informasjon om korleis du startar sjølve e-læringskurset, sjå «Korleis startar eg e-læringskurset?».
Dersom du kjem til påmeldingssida, klikkar du på «Meld meg på» under «Egenpåmelding (Deltaker)».
Følg stega under for å starte sjølve e-læringskurset «BTI – Betre Tverrfagleg Innsats i Bjørnafjorden kommune».
1. Klikk på «Start her».
2. Klikk på «Gruppetilhøyrsle og navigasjon i kurset», og du kjem til ei ny side.
3. På den nye sida les du teksten som dukkar opp til du kjem til «Kva avdeling/eining/teneste jobbar du i?».
4. Vel «Gruppetilhøyrsle»: Klikk på gruppa du tilhøyrer.
5. Scroll ned og klikk på «Kva er BTI?» No startar sjølve e-læringskurset 🙂 Lykke til!
Får du opp at kurset er 86% fullført, er det trulig på grunn av at éin av kursbolkane ikkje er registrert som fullført. Mest sannsynleg er det den første bolken som heiter «Start her» som ikkje er registrert som fullført. Det kan du sjølv ordne ved å manuelt registrere den som fullført ved å huke av i den oransje rundingen nede til høgre (sjå bilde under).
Dersom dette ikkje løyser problemet, kan det vere ein annan kursbolk du ikkje har gjort heilt ferdig. Finn du ikkje ut av dette sjølv, kan din leiar sjekke kva bolk som ikkje er registrert som fullført ved å gå inn på kurset og deretter inn på «Innstillinger» -> «Mer…» -> Kursadministrasjon» -> «Rapporter» –> «Kursfullføring»:
Der kan leiar søke opp den tilsette og få opp ein oversikt over kva kursbolkar som er fullført og ikkje. Det kan for eksempel sjå slik ut:
